УИХ-ын чуулганы нэгдсэн хуралдаан өнөөдөр хуваарийн дагуу хуралдаж байна.

Чуулганы нэгдсэн хуралдаанаар үеэр АН-ын бүлгийн дарга Д.Ганбат өлсгөлөн зарласан гишүүд эмнэлэгт хэвтэж байгаа гэдгийг хэллээ. Тэрбээр "Манай Ардчилсан намын гишүүд улс төрийн өлсгөлөн зарлаад буусан байгаа. Гишүүд эмнэлэгт эмчлүүлж байна. Төрийн ажил тасралтгүй байх үүднээс С.Одонтуяа гишүүн, Н.Алтанхуяг гишүүн, бид гурав хуралдаандаа оролцож байна" хэмээн мэдэгдлээ.

УИХ дахь АН-ын гишүүд Ерөнхийлөгчийн сонгуульд нэр дэвшигчдийг бүртгүүлэхтэй холбоотой өлсгөлөн зарлаж, Сүхбаатарын талбайд долоо хоносон. Тэд МАН-ын бүлэгтэй зөвшилцөх ажлын хэсэг байгуулсан тул өнгөрсөн мягмар гарагт өлсгөлөнгөө зогсоож буйгаа мэдэгдсэн билээ.