Ардчилсан намын гишүүд Сүхбаатарын талбайд нойтон өлсгөлөн зарлаад долоо хоног болж байна. Тэдний биеийн байдлыг эмч нар цаг тухай бүрт нь үзэж, шаардлагатай зөвлөгөөг өгч байгаа. Мөн гишүүдийн ар гэрийнхэн Сүхбаатарын талбайд ирж, тэднийг эргэж байгаа аж. Өчигдөр УИХ-ын гишүүн С.Ганбаатарын охин аавыгаа эргэж ирсэн.

Тэгвэл өнөөдөр УИХ-ын гишүүн Н.Алтанхуягийн гэрийнхэн эргэж иржээ. Тэрбээр энэ талаараа өөрийн цахим хуудастаа “Сайхан ирээдүйн төлөө. Шударга ёс, нэг намын илт дарангуйллын эсрэг, монгол хүн таны сонгох эрхийг авч үлдэхийн төлөө өлсгөлөн зарлаад долоо хонож байна. Манай гишүүдийн гэр бүлийнхэн нь эргэж ирсээр байна” хэмээн бичжээ.