УИХ дахь Ардчилсан намын гишүүд Сүхбаатарын талбайд өлсгөлөн зарласан. Үүнтэй холбоотой асуудлаар  МАН-ын Ерөнхий нарийн бичгийн дарга Д.Амарбаясгалан байр сууриа илэрхийллээ.

 

 Тэрбээр “Өөрийн бурууд бүдэрвэл хүний зөвд уйлдаггүй гэдэг зүйр үг бий. Эхлээд нам дотроо нэгдэж, дотоод асуудлаа шийдэж, Үндсэн хууль, Ерөнхийлөгчийн сонгуулийн тухай хууль бусад хуулийн чанад мөрдөх зайлшгүй шаардлага байна.

 

Н.Алтанхуяг Ерөнхий сайд байхаараа шударга байдаг, биш байхаараа шударга биш болдог гэдэг ойлголт байж болохгүй. Би дарга байвал бусад нь хамаагүй гэж хардаг, монголын ард түмэн зовдог байж болохгүй. Зовох шалтгаан бидэнд мундаагүй. Ковидоос эхлээд олон шалтгаан байна. Хэн нэгэн дарга болоогүй гээд зовдог байж болохгүй МАН Монгол Улсын Ерөнхийлөгчийн сонгуулийг шударга, будлиангүй явагдаасай гэдэг дээр хүсэлт тавьж, намынхаа зүгээс шаардлагатай бүх зүйл анхаарал хандуулна. Төрийн сонгууль төрийн тэргүүнээ сонгох сонгууль маргаангүй явах нь юу юунаас илүү чухал. Төрийн тэргүүнд монголын хамгийн муу хүн өрсөлддөг гэдэг ойлголтоос бид салах ёстой. Улс төрийн намууд энэ соёлгүй байдлаа таслан зогсоох хэрэгтэй. Төрийн тэргүүнээ сонгох сонгуульд ард түмэн төрөө дээдэлж, сайхан сэтгэгдэлтэй ордог болох  цаг болсон. Үүний төлөө МАН хичээн ажиллах болно” гэлээ