Ерөнхийлөгчийн сонгуулийн хуульд зааснаар улс төрийн намууд өнөөдөр буюу тавдугаар сарын 5-ны дотор СЕХ-нд нэр дэвшигчийн материалаа хүргүүлэх юм.

Харин Ардчилсан намын тухайд хоёр нэр дэвшигчийн материал хүргүүлсэнтэй холбоотой СЕХ-оос хүлээж авахгүй хэмээн мэдэгдсэн. Тодруулбал, О.Цогтгэрэл даргатай АН-аас УИХ-ын гишүүн Н.Алтанхуяг, М.Тулгат даргатай АН-аас УИХ-ын гишүүн асан С.Эрдэнийг Ерөнхийлөгчийн сонгуульд нэр дэвшүүлэхээр бүртгүүлэхээр хүсэлтээ өгөөд байсан юм. Тэгвэл дөнгөж сая СЕХ шийдвэр гаргаж Ардчилсан намаас С.Эрдэнийг Ерөнхийлөгчийн сонгуульд нэр дэвшүүлэх боломжтой хэмээн холбогдох материалыг нь хүлээж авчээ. Харин Н.Алтанхуягийн материалыг хүлээж аваагүйтэй холбоотой УИХ дахь АН-ын бүлгийн гишүүд Төв талбайд суулт зарлаад байгаа юм.