Засгийн газрын ээлжит хуралдаанаас гаргасан шийдвэрийн талаар яг одоо Шадар сайд, Эрүүл мэндийн сайд, Сангийн сайд нар мэдээлэл хийж байна. Эрүүл мэндийн сайд С.Энхболд "Эрүүл мэндийн салбарын шинэчлэлийн хүрээнд эрүүл мэндийн тусламж үйлчилгээний санхүүжилтийн гүйцэтгэл, үр дү,н чанарт суурилж, 2021 оноос Эрүүл мэндийн даатгалын сангаас санхүүжүүлж эхлээд байгаа. Үүнтэй холбоотой цар тахлын эсрэг эрүүл мэндийн цогц санхүүжилтийн журмыг батлаад байна. Ингэснээр ковид-19 илрүүлэх сорьц авсан, дархлаажуулалт хийж байгаа эрүүл мэндийн ажилтан, хөнгөн хэлбэрийн өвчилсөн иргэдэд дэмжлэг үзүүлнэ" гэв.

Сангийн сайд Б.Жавхлан "Сүүлийн үед вакцинжуулалтын ажилд онцгой анхаарал хандуулж байгаа. Нийслэлийн иргэд вакцинжуулалтад хамрагдах тоо эрс буурсан. Засгийн газар тавдугаар сарын эхний 15 хоногт нийт иргэдийн 60 хувиг дархлаажуулахаар  төлөвлөөд байсан. Гэвч хамрагдах иргэдийн тоо буурч байгаа нь харамсалтай.  Хэдий вакцин хамрагдах нь хүний эрхийн асуудал ч бид хоёр арга хэмжээ авахаар боллоо. Нэгдүгээрт, вакцин хамрагдаагүй  иргэддээ албадлагын арга хэмжээ авна. Хоёрдугаарт, вакцинд хамрагдсан иргэдэд урамшууллын арга хэмжээ авна" гэлээ.