• Өнөөдөр 2026-09-06

Д.ХАЯНХЯРВАА: У.ХҮРЭЛСҮХ НЭГ ХҮНИЙ ДАРАНГУЙЛАЛ ТОГТООХООР УЛАЙРЧ БАЙНА

2021-05-04,   1020

         МАН-ын дарга У.Хүрэлсүх  Ерөнхийлөгч болохын тулд  хариуцлагаас зугтаж , Ерөнхий сайдын ажлаа өгч , өнөөдөр хөшигний араас улс төр хийж байна. 
 
        Тухайлбал, 2021 оны нэгдүгээр сарын 21-ны өдөр гэнэт Засгийн газраа огцруулж, Ерөнхийлөгчийн сонгуульд бэлтгэж эхэлсэн  МАН-ын дарга У.Хүрэлсүх гурван сарын дараа буюу саяхан хэвлэлд ярилцлага өгчээ. Түүнийг хариуцлагаас зугтаж , гэнэт явсныг  тодруулсан сэтгүүлчийн  асуултад  “Монгол улсад нэг хүний дарангуйлал тогтох гэж байсан учир арга буюу  Засгийн газраа огцруулж , чимээгүйхэн явсан” гэж  ярьжээ.Тэрбээр энэ үгээ Монгол улсын  ерөнхийлөгч  Х.Баттулгад хаягласан байна. 
 
Тэгвэл  өнгөрсөн хугацаанд  “Монгол улсад  У.Хүрэлсүх өөрөө хүний нэг дарангуйлал тогтоохоор  улайрч ирсэн” гэж ардын намын гишүүд түүнийг шүүмжилж байв. Ингэхдээ “У.Хүрэлсүх даргыг шүүмжлэх эрхгүй” , “Ардын нам  дотор нэг хүний дарангуйлал тогтож байна” гэж  гишүүд  нь мэдээлж байсан. Өнөөдөр  МАН У.Хүрэлсүх даргын гарт зангидагдаж эвтэй байгаа мэт  харагдаж  байгаа ч түүнийг дэмждэггүй хэсэг бүлэг фракцууд  ардын намд бий. Учир нь  У.Хүрэлсүх  2016 оны сонгуулийн өмнө гэнэт гарч ирж ,  Ж.Эрдэнэбатын Засгийн газрыг огцруулж, өөрөө Ерөнхий сайд болохын тулд 100 жилийн түүхтэй намаа анх удаа хоёр хувааж , Засгийн газраа дотроосоо унагасан. Тухайн үед МАН 65 суудалтай байсан ч Төрийн ордонд  32,33-ын бүлэг болон  ажиллаж , тэмцэлдэж байв. Одоо эргээд харвал У.Хүрэлсүхийг "Монгол нэг хүний дарангуйлал тогтоохоор санаархагч" гэж намын нөхөд нь нэг биш удаа шүүмжилж, тэмцэж байжээ. 
 
Тухайлбал, 
 

Н.НОМТОЙБАЯР: У.ХҮРЭЛСҮХ ТА ШУДАРГА ЁС ГЭДЭГ ҮГИЙГ БИТГИЙ ХЭРЭГЛЭ

УИХ-ын гишүүн асан Н.Номтойбаяр  “Тэр хөрөнгө орлогын мэдүүлэг дээр байгаа Хадгаламж банкны 14 сая ам.доллароо тайлбарлахаас нааш, наад ЖДҮ-чин сайд нараа зайлуулахаас нааш шударга ёс гэдэг үгийг битгий хэрэглэ. Энийг танд зөвлөе. Наад шударга ёс гэдэг үгээ хэрэгжүүлж чадахгүй байж битгий баг өмс. Танаас гуйж байна, зөвлөж байна. Хоёулаа одоо шүүх дээр уулзана. Маш их гутаан доромжлогдлоо”

Д.ХАЯНХЯРВАА: У.ХҮРЭЛСҮХ НЭГ ХҮНИЙ ДАРАНГУЙЛАЛ ТОГТООХООР УЛАЙРЧ БАЙНА 

УИХ-ын гишүүн  асан Д.Хаянхярваа “У.Хүрэлсүх гэдэг намын даргыг бид шүүмжилж болохооргүй болсон. Элдэв үгээр дарамталж, утас шөрмөсөөр залгадаг, янз бүрийг үг хэлдэг. Чи намын даргаа шүүмжлэхгүй, намын даргын нэр хүнд өндөр байгаа, харин УИХ-ын нэр хүн муу байна, УИХ-ыг тараана гэх мэтээр ярьдаг. Ийм юм яриад, ийм үйлдэл гаргаад Үндсэн хуульд харш зүйл гэдгийг л би хэлээд байгаа. Ер нь Монгол Улс хаашаа яваад байна вэ гэдгийг бид нэг бодох хэрэгтэй. Бүх юмыг хүчирхийлэл, дарангуйллын аргаар шийддэг энэ зам руу явах юм бол болохгүй ээ”

 Л.ЭНХ-АМГАЛАН: ХУУРАМЧ ШУДАРГА ЁС ЯРЬДАГ У.ХҮРЭЛСҮХ БИДЭНД ХЭРЭГТЭЙ ЮУ

УИХ-ын гишүүн Л.Энх-амгалан  “Оросын батлан хамгаалахын сайд Шойгу ирээд танк, зэвсэг өгсөн байна. Яах гэж байгаа юм бэ, энэ танк, зэвсгээр. Монгол Улсын Ерөнхий сайд нь эрх баригч намынхаа байранд 300 гаруй офицер цуглуулаад зэвсэгт тэмцэл, бослогод уриалаад сууж байна шүү дээ. Өнөөдөр ийм хуурамч шударга ёс ярьдаг, ийм багтай Ерөнхий сайд бид нарт хэрэгтэй юм уу. Энэ хүн бол намын дарга бөгөөд Ерөнхий сайд хийх чадамжгүй хүн гэдгээ харуулж байна" 

Ж.МӨНХБАТ: У.ХҮРЭЛСҮХ НАМАА ДАХИАД ХОЁР ХАГАЛЛАА

УИХ-ын гишүүн Ж.Мөнхбат “Хөхөө өвлийн хүйтэнд бид нар хоолойгоо сөөтөл жагсаж, тэмцэж, ажилчдынхаа цалинг тавьж чадахгүй, намынхаа байрыг хураалгаад явж байхад У.Хүрэлсүх дарга маань алс холын Австралид далайн эрэг дээр явсан, үнэн. Ингээд дуудаж авчраад Шадар сайд болгосон, бас үнэн. Дахиад Шадар сайд болгосон, энэ үнэ. Гэтэл одоо намын нөхөд нь өөрийг нь шүүмжилсний төлөө, шударга ёс шаардсаны төлөө, намын дотоод ардчиллыг бий болгосны төлөө намаас хөөж байгаа юм байна. Намаа дахиад хоёр хагаллаа”

 
         Харин  У.Хүрэлсүх Засгийн газраа огцруулж, гэнэт явсныг  сөрөг хүчний бүлгийн гишүүд  “Ерөнхийлөгч болохын тулд амиа бодсон шийдвэр” гэж шүүмжилж байсан. МАН сүүлийн гурван удаагийн Ерөнхийлөгчийн сонгуульд ялалт байгуулж чадаагүй. Одоо 100 жилийн ой дээрээ Ерөнхийлөгчтэй болох  зорилт тавьж , төрийн бүх бүтцээр сонгуульд бэлтгэж , У.Хүрэлсүх гэдэг хүнийг ерөнхийлөгч болгохоор улайрч байгааг сөрөг хүчний бүлгийн гишүүд сануулаад удаж байна. МАХН , ХҮН -тай тохирсон учир тэд  У.Хүрэлсүхийг дэмжинэ , харин ардын намын гол өрсөлдөгч байх ёстой  АН-ыг хоёр тамгатайгаар нь далимдуулж, ямар нэг аргаар Н.Алтанхуягийг "зайлуулж", С.Эрдэнийг нэр дэвшүүлж, өөрийн талд оруулах замаар өрсөлдөгчгүй сонгуульд  У.Хүрэлсүх  ялах төлөвлөгөөг МАН эртнээс тооцоолсон гэж улсын их хурлын нэр бүхий гишүүд мэдээлсэн. 
 

Б.ПҮРЭВДОРЖ: ЦАГААН БАЙРАН ДЭЭРЭЭ ТӨРИЙН БҮХ ЭРХ МЭДЛИЙГ АВААЧИЖ БАЙНА

УИХ-ын гишүүн Б.Пүрэвдорж “МАН-ын сүүлийн 12 жилийн мөрөөдөл нь Ерөнхийлөгчтэй болох юм гэсэн. 100 жилийн ойгоороо У.Хүрэлсүх гэдэг хүнийг Ерөнхийлөгч болгох гээд их үзэж байх шиг байна. Ингэхийн тулд цагаан байран дээрээ төрийн бүх эрх мэдлийг аваачих замаар л асуудлыг шийдэж байна л даа”

Н.АЛТАНХУЯГ: Х.БАТТУЛГЫГ УНАГААХ ГЭЖ АРАА ШҮДЭЭ ХҮРТЭЛ ЗЭВСЭГЛЭЭД, ЯМАР МУУХАЙ ЮМ БЭ

УИХ-ын гишүүн Н.Алтанхуяг “Х.Баттулга гэдэг хүнийг л цэц дээр унагаахын тулд л араа шүдээ хүртэл зэвсэглээд, хууль номоо уландаа гишгээд, ямар муухай юм бэ. Би үнэхээр санаа зовж байна. Ингэж болохгүй, энэ чинь монголын төр болохоос Монгол ардын нам биш. Би дахин дахин сануулж байгаа шүү. Монголын ард түмэн МАН-ыг бүгдээрээ дэмжээгүй шүү. Их солиорч яривал 50 хувь нь ч дэмжээгүй шүү. 

 
      Ийнхүү эрх баригч МАН  өрсөлдөгчгүй сонгуульд бэлтгэж , бусад  нэр дэвших боломжтой намуудыг халаасалж , хагаралдуулж байгааг сөрөг хүчний бүлгийн гишүүд  мэдээлж байна. Өнөөдрийн улс төрийн үйл явдлаас харахад  хоёр тамгатай АН хүн нэр дэвшүүлж чадахгүй бол  2021 оны ерөнхийлөгчийн сонгуульд  Ухнаагийн  У.Хүрэлсүх өрсөлдөгчгүй нэр дэвшихээр нөхцөл байдал үүсжээ.   
 

Д.ХАЯНХЯРВАА: У.ХҮРЭЛСҮХ НЭГ ХҮНИЙ ДАРАНГУЙЛАЛ ТОГТООХООР УЛАЙРЧ БАЙНА
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2026 © Зохиогчийн эрх хуулиар хамгаалагдсан. Мэдээлэл хуулбарлах хориотой.