МАН-ын Удирдах зөвлөлийн хуралдаанаар Ерөнхийлөгчийн сонгуульд Монгол Улсын 30,31 дэх Ерөнхий сайд У.Хүрэлсүхийг нэр дэвшүүлэхээр гишүүдийн олонх дэмжсэн. Тэгвэл МАН-ын Бага хурал өнөөдөр 15.00 цагт хуралдсан. Ингээд намын дарга У.Хүрэлсүхийг олонхын саналаар дэмжин, зургаадугаар сарын 9-нд болох Ерөнхийлөгчийн сонгуульд өрсөлдүүлэх болсон байна.

Хурлын эхэнд нэр дэвшигчийн мөрийн хөтөлбөрийг хэлэлцжээ. Ерөнхий сайд асан У.Хүрэлсүхийн зөвлөхөөр ажилласан Ж.Энхбаяр мөрийн хөтөлбөр боловсруулах ажлын хэсгийн ахлагчаар ажилласан байна. Тэрбээр дөнгөж сая Үндэсний аудитын газарт Ерөнхийлөгчийн сонгуулийн мөрийн хөтөлбөрөө хүргүүлсэн юм.