ХҮН-аас Ерөнхийлөгчийн сонгуульд нэр дэвшигчдийг иргэдийн санал асуулгаар тодруулна хэмээн мэдэгдсэн. Тэгвэл тус намаас өнөөдөр Ерөнхийлөгчийн сонгуульд нэр дэвших боломжтой дөрвөн хүнийг танилцуулсан байна.

Тодруулбал, эдийн засагч Д.Жаргалсайхан, Д.Энхбат,  гавьяат эмч Б.Болдсайхан, нийтлэлч Баабар нарыг нэрлэжээ. Тэгвэл эдийн засагч Д.Жаргалсайхан Ерөнхийлөгчийн сонгуульд нэр дэвших боломжгүй гэдгээ мэдэгдлээ. Тэрбээр "2021 оны Ерөнхийлөгчийн сонгуульд нэр дэвших тухайд: УИХ-д суудалтай Хөдөлмөрийн үндэсний намын төлөөлөл ерөнхийлөгчийн сонгуульд намайг нэр дэвших санал тавьсанд талархаж байна. Миний хийж буй нийгмийн ажлуудыг дэмжиж, үзэл бодлоороо хамтарч, дэвшихийг уриалж, итгэл үзүүлсэн бүх хүмүүс түүний дотор гадаадад суугаа олон монгол хүний төлөөлөл холбогдож урам зориг өгсөнд талархаж байна" гээд тэрээр өөрийн хийж буй нийгмийн сайн сайхны төлөөх ажил хэргээ үргэлжлүүлнэ" гэлээ.