Өндөржүүлсэн бэлэн байдлын зэрэгт шилжиж, автомашины хөдөлгөөнийг QR кодоор зорчуулах болсонтой холбоотой асуудлаар УОК-оос мэдээлэл хийж байна. Өнөөдрийн байдлаар 41500 авто машины QR кодыг сэргээхээс 400 гаруй мянгыг нь бүрэн сэргээсэн гэх мэдээллийг өглөө. 13 чиглэлийг тээврийн хэрэгслийг хязгаарлаагүй.Тодруулбал, хүнс тээвэр, буян ажлын байгууллагын 18 мянган тээврийн хэрэгсэл, эрүүл мэндийн салбарын 11 мянга, хэвлэл мэдээлэл, харилцаа холбооны 2700 гаруй тээврийн хэрэгслийн эрх нээгджээ.

Өмнөх зохицуулалтаас энэ удаагийнх өдрийн цагийн зохицуулалттай байгаа. Үүнтэй холбоотой үл ойлголцол гарч байгаа. Тухайлбал, цагийн зохицуулалт зарим талаараа нийцэхгүй байна гэх гомдол гарчээ. Тухайн байгууллага, эмнэлгийн нэр дээр байгаа тээврийн хэрэгслийг шууд зорчуулах бөгөөд хувь хүний нэр дээрх тээврийн хэрэгслийг цагийн зохицуулалтад оруулах зарчим баримталсан.Тиймээс эрүүл мэндийн салбар дээр зохицуулалт хийхээр болжээ. Мөн хэвлэл мэдээллийн байгууллагатай холбоотой шинэ зохицуулалт хийхээр болсон байна. Ингэхдээ тухайн байгууллагын лого, ажлын үнэмлэхтэй бол хориг саадгүй явуулахаар болжээ.