Засгийн газраас гарсан шийдвэрийг танилцуулж байна. Энэ үеэр УОК-ын дарга, Шадар сайд С.Амарсайхан хүүгийнхээ сургалтын төлбөрийн зээлийн асуудлын талаар мэдээлэл өглөө. Тэрбээр “Сургалтын төлбөрийн зээлийн сантай холбоотой журам байгаа. Засгийн газрын гадаад улсын дээд боловсролын сургалтын байгууллагад суралцагчид сургалтын төлбөрийн зээл олгох журам 2012 онд батлагдсан байдаг. Энэ журамд Засгийн газар 2020 оны долдугаар сард өөрчлөлт оруулж, зарим заалтыг шинэчилсэн. Энэ журмаар магистр, докторын хөтөлбөрт хамрагдаж байгаа оюутнуудын төлбөрийг нэмэлтээр зохицуулдаг болсон” гэв.