Засгийн газраас гарсан шийдвэрийг танилцуулж байна. Энэ үеэр УОК-ын дарга, Шадар сайд С.Амарсайхан “Засгийн газраас боломжтой бүхий л арга хэмжээг авч байна. Тухайлбал, ус, эрчим хүчний төлбөрийг тэглэсэн. Мөн иргэдэд хөнгөлөлттэй зээл олгох, цалингийн зээл олгох зэрэг дэмжлэг үзүүлж байгаа. Хаврын бүтээн байгуулалтын ид цагт хөл хорио тогтоож байгаа нь харамсалтай. Зайлшгүй нөхцөл байдалд байгаа учраас хөл хорио тогтоож байна гэж ойлгоорой. Засгийн газар эдийн засаг, нийгмийн асуудыг зогсоохгүйн тулд бүхий л арга хэмжээг авна. Хөл хориотой холбоотойгоор иргэддээ дахин тэтгэмж олгох асуудал яригдаагүй. Засгийн газар “Оюу Толгой” компаниас төлөх ёстой орлогоос иргэддээ олгосон. Сангийн яам, Монгол банк, арилжааны банкууд зээлийн асуудлаар иргэдэд мэдээлэл өгч байгаа” гэлээ.