Засгийн газраас гарсан шийдвэрийг танилцуулж байна. Хурлын эхэнд УОК-ын дарга, Шадар сайд С.Амарсайхан Монгол Улсад шинэ төрлийн мутацид орсон коронавирус илэрсэн гэдгийг мэдээллээ.

Энэ үеэр эрүүл мэндийн сайд С.Энхболд “Хөл хорионы хугацаанд халдварын эрчим буурсан гэж судлаачид үзэж байгаа. Өдөрт 1000 давж илрээд байгаа халдвар нь ойрын хавьтлуудаас илэрч байна. Хөл хорио маш үр дүнтэй арга. Олон улсад хэрэглэдэг хамгийн шилдэг арга. Хөл хорио тогтоогоогүй бол өдөрт 3000-аас дээш хүнд халдвар илрэх байсан. Нас барсан хүмүүсийн ар гэрийнхэнд эмгэнэл илэрхийлж байна. Талийгаачийн олонх нь суурь өвчтэй байсан бөгөөд гурав нь вакцин хийлгэсэн байсан. Вакцин хийлгэж байгаа иргэдээс бид асуумж асууж, эмчийн үзлэг хийж байгаа. Үүний дүнд өргөжүүлсэн вакцинжуулалт хийж байна” гэлээ.