ЭМЯ-наас хатуу хөл хориог 14 хоног сунгах санал хүргүүлээд байгаа. Засгийн газраас тогтоосон хатуу хөл хорио энэ сарын 25-нд дуусах тул цаашид хөл хориог сунгах эсэх асуудлаар УОК хуралдаж байна. Хуралдаан 10.00 цагт эхэлсэн бөгөөд ЭМЯ-наас коронавирусийн нөхцөл байдлын талаарх мэдээллийг танилцуулж байгаа аж.

Хэрэв хөл хориог цуцалж, цаашид хэвийн байдалд шилжвэл тавдугаар сарын сүүлч гэхэд халдварын тохиолдол өдөрт 1400 орчимд хүрнэ гэсэн тооцоолол гаргасан бол хөл хориог тавдугаар сарын 9-нийг хүртэл сунгавал халдварын тоо өдөрт 500-600 орчим болж буурна гэсэн дүн гарчээ.