Нэр дэвших дахин сонгогдох зэрэг нь улс үндэстний нийтлэг эрх ашгийн дэргэд өчүүхэн зүйл юм. Монгол Улсын төрийн тэргүүний албыг хаших хувь тохиосныг өөрийн үндэстэн, төрийн төлөө хуулийн засаглалтай, цэгц шударга нийгмйиг зогсоохын төлөөх ажиллах боломжхэмээн харж өргөсөн тангарагаа үл умартан үүргээ хэрэгжүүлж ирлээ. Би өргөсөн өргөсөн тангарагийнхаа төлөө хичээн ажиллаж байна. Өнгөрсөн хугацаанд Монгол Улсын үндсэн хуулийг дур зоргоороо тайлбарлаж, салбар хуулиудаараа гажуудуулах үйлдэл ихсэх болсон. Цаашлаад иргэдийн сонгох эрх, саналыг худалдан авдаг байсан. Гэтэл одоо дээрэмдэн авдаг болж, үүнийгээ байдаг үзэгдэл мэтээр гааруулах боллоо. Энэ завхралыг засахаар Үндсэн хуульд нэмэлт, өөрчлөлт оруулах зөвшилцлийн ажлын хэсгийг би ахалсан. 

 

МАН-ын эгэл жирийн гишүүд дэмжигчид ээ, та бүхний эвлэлдэн нэгдэх, үзэл бодлоо илэрхийлэх эрхийг гүнээ хүндэтгэж байна. Харин та бүхний дэмжлэгт тулгуурлан эрх мэдлийг авсан хүмүүс дангаар ноёрхол тогтоохоор завдаж, төрийн эрх мэдлийг намын эрх мэдэл болгож байгааг таслан зогсоохоос өөр аргагүйд хүрлээ. МАН-ын жирийн гишүүд эрүүл хэсгийнхэнд түүхээр олгогдож байгаа боломж тул та бүхэн ардчиллын гажуудлыг засах ёстой. Тиймээс МАН-ыг тараах миний шийдвэрийг хүндээр хүлээж авахгүй байхыг хүсэж байна. Эрх баригч намын дарамт шахалтыг эсэргүүцэх, хуулийн дагуу ажиллах эрх чөлөөнд уриалан дуудаж байна. Хууль та бүхнийг намын заналхийлэл дарамтаас ангижруулна.

 

Миний бие өөрийн эрхэлсэн ажил, ард түмний өмнө хүлээсэн үүргийн хүрээнд МАН-ыг тараах хуулийн шаардлага бүрэн бүрдсэнийг дахин нотолж байна. Ийм бурангуй нөхцөлд эрх мэдлийн хяналт тэнцвэрийг хэн хангах вэ. Надад оноогдож буй түүхэн үүрэг бол энэ. Би ард түмэндээ үйлчлэх тангарагтай хүн. МАН-ыг хуулийн хүрээнд тараах нь өргөсөн тангаргаа биелүүлж буй хэрэг. Иргэдийн боломжийг хулгайлдаг, өргөн олныг хязгааргүй дарамтлах гэсэн балмад ажиллагааг таслан зогсоох ёстой. 

 

ҮХЦ-ийн хараат бус байдалд халдаж, хуульд нийцээгүй шийдвэр гаргуулж байгаа нь Үндсэн хуулийн бус аргаар төрийн эрхийг авах гэсэн үйл ажиллагаа юм. МАН-ын даргын зөвшөөрөлгүй ҮАБЗ хуралдаж чадахаа болилоо. Цар тахлын нөхцөл байдалтай холбоотойгоор ҮАБЗ-ийг хуралдуулахаар болсон ч ирц бүрдээгүй гэх шалтгаанаар өнөөдрийг хүртэл хуралдаж чадаагүй байна. 

 

Цар тахлыг сонгуулийн зорилготой ашиглаж, өнөөдрийг хүртэл үргэлжлүүлж байна. Удаа дараа хэлж сануулж байхад вакцин авах мөнгийг төсөвт суулгаагүй, гадаадын зээл тусламжид найдсан" гэлээ.