УИХ-ын чуулганы нэгдсэн хуралдаанаар Цэцийн дүгнэлтийг хэлэлцсэн. Энэ үеэр УИХ-ын гишүүн Ц.Мөнх-Оргил  “Ц.Туваан тэргүүтэй АН-ынхан АНУ-ын лобби бүлэгтэй 50 мянган ам.долларын гэрээ байгуулсан” хэмээн мэдэгдлээ.

Энэ талаар тэрбээр "Сонгууль будлиулах ажлыг Ардчилсан нам хийж байна. Энэ дээр Ц.Туваан гишүүнээс тодруулга авмаар байна. Ц.Туваан гишүүн АНУ-ын лобби бүлэгтэй 50 ам.долларын гэрээ байгуулжээ. Энэ ямар учиртай гэрээ вэ. Ерөнхийлөгчийн сонгуулийн тухай хуульд гадаадын байгууллага, гадаадын иргэн хуулийн этгээдээс хөрөнгө мөнгө, хандив авахыг хориглосон байдаг. Ийм илт хууль зөрчсөн үйлдэл хийж болдог юм уу" гэсэн юм.

Харин УИХ-ын гишүүн Ц.Туваан үүний хариуд “Манай 50 мянган ам.доллар байтугай 50 ам.доллар ч хүнд төлөөгүй. Ц.Мөнх-Оргил гишүүн андуурсан байх. Андуурсан бол түүнийгээ хэлээрэй. Манайх тийм баян нам биш” хэмээн хариуллаа.