Иргэн Б.Сүндэръяа өөрийгөө хүчирхийлэлд өртсөн талаар энэ сарын 11-ний өдөр цахим хаягаараа дамжуулан мэдээлсэн билээ. Тэрбээр "УИХ-ын нэр бүхий гишүүн түүнийг байнга дарамталдаг. Хамт хоол идэх үеэрээ хүчирхийлэхийг завдсан" хэмээн мэдээлж байлаа. Тэгвэл өнөөдөр энэ талаараа цагдаагийн байгууллагад албан ёсоор гомдол гаргаж, тухайн гишүүний нэрийг нийтэд ил зарласан юм. Тэрбээр "Би 2019 онд Ц.Анандбазар гишүүнтэй уулзаж танилцаж байсан. Түүнээс өмнө манай найзад “Б.Сүндэръяа гэж энэ эмэгтэйн зургийг харсан. Чи энэ найзтайгаа уулзуулж өгөөч” гэдэг байсан юм билээ. Надтай ч уулзъя гэхэд нь би удаа дараа татгалзсан. Одоогоор би дэлгэрэнгүй мэдээлэх боломжгүй. Өргөдөл, гомдол дээрээ маш тодорхой тусгасан байгаа. Сонгууль дөхөхөөр л намайг ярьдаг гэдэг учир би тодорхой мэдээллэхгүй. Ц.Анандбазар намайг нандин нууцаар минь барьцаалсан. Би хэнд ч юу ч хэлж чадалгүй явсаар өнөөг хүрсэн. Дахин ингэж дарамт, шахалт дунд байж чадахгүй гэж шийдсэн учраас л өргөдөл, гомдлоо гаргаж байна. Эхлээд намайг маш их бүдүүлэг, хараалын үгсээр дарамталдаг байсан.Бага насандаа бэлгийн хүчирхийлэлд орж байсан насанд хүрсэн эмэгтэй хохирогчид ч мэдүүлэг өгөөд байгаа. Зөвхөн сүүлийн 20 жилийн хугацаанд гэхэд Ц.Анандбазар гишүүнд хүчирхийлүүлсэн гэх гомдолтой байгаа 1000 гаруй эмэгтэй байгаа" гэсэн юм.

Тэгвэл Булган аймгаас УИХ-ын ээлжит сонгуульд нэр дэвшиж ялалт байгуулсан Ц.Анандбазарыг эгүүлэн татах асуудлыг МАН-ын Удирдах зөвлөл ярилцсан гэх мэдээлэл байна.

УИХ-ын гишүүнийг эгүүлэн татах талаар Үндсэн хууль болон УИХ-ын тухай хуульд тодорхой заасан байдаг.