Засгийн газрын ээлжит бус хуралдаанаас гаргасан шийдвэрийн талаар Ерөнхий сайд мэдээлэл хийж байна.

Тэрбээр "Долдугаар сарын 1 гэхэд иргэдээ вакцинжуулахаар төлөвлөсөн. Гэхдээ дэлхий дахинд эхний болон хоёр дахь тунгийн хороонд халдвар авах эрсдэлийг тооцож, хөл хорио тогтоож байна. Монголчууд бид үүнийг анхаарч хөл хорио тогтоох хамгийн том үндэслэл гэж үзэж байна. Вакцинжуулалтын татан авалтын хугацаа тодорхой болсон. Бид Израйль Улсын жишгээр явах хэрэгтэй. Вакцинд хамрагдсан иргэдээ хамгаалах нь хамгийн зөв арга гэж энэ шийдвэрээ гаргаж үзсэн. Эхний тунд хамрагдсан иргэд 18-20 хоногийн дараа дархлаажуулалт тогтоно гэдгийг сайн бодоорой. Тиймээс УОК-оос гаргасан  шийдвэрийг Засгийн газар дэмжсэн.

Тиймээс дөрөвдүгээр сарын 10-25 хүртэл улаан түвшинд шилжүүлж хатуу хөл хорио тогтоохоор болсон. Хөл хорио тогтоохгүй байх бүх арга хэмжээг бид авч байгаа. Хэсэгчилсэн хөл хорио тогтоохгүй байх арга хэмжээ авсан. Хөл хорио сүүлийнх байгаасай гэж хүсэж байгаа.  Хөл хорио тогтоож байгаа учраас эдийн засгийн эргэлтийг зогсоож, дэмжлэг үзүүлэхгүй байж болохгүй. Тиймээс иргэн бүрд хөл хорио тавьсны нөхөн төлбөр буюу иргэн бүрд 300 мянган төгрөг олгохоор боллоо" гэлээ. Иргэдэд өгөх 300 мянган төгрөгийн санхүүжилтийг Төрийн санд төвлөрсөн нэг их наяд 26.5 тэрбум төгрөгөөс олгохоор болжээ. Энэ нь Оюутолгойгоос татварт төвлөрүүлэх хөрөнгө аж.