УОК-ын хуралдаан 11:30 цагт эхэлсэн. Хуралдаанаар хатуу хөл хорио тогтоох эсэх асуудлыг хэлэлцэж байгаа юм. Хуралдаанаас гарсан шийдвэрийг Засгийн газар хэлэлцэж, эцсийн шийдвэрийг гаргана.

Тэгвэл Засгийн газрын ээлжит бус хуралдааныг 14:00 цагт хуралдуулахаар товложээ. Эрүүл мэндийн яамнаас энэ сарын 10-наас хатуу хөл хорио тогтоох саналыг хүргүүлээд буй. Өнгөрсөн 24 цагийн хугацаанд шинээр 554 хүнээс халдвар илэрч, нэг хүн нас барсан. Ингэснээр коронавирусийн халдвараар нас барсан хүний тоо 22 болоод байна.