Засгийн газрын ээлжит хуралдаанаар коронавирусийн нөхцөл байдал, хариу арга хэмжээний талаар хэлэлцсэн.

Энэ үеэр Эрүүл мэндийн яамнаас хатуу хөл хорио тогтоох санал гаргасан байна. Харин эцсийн шийдвэр гараагүй бөгөөд УОК хуралдаж, хөл хорио тогтоох эсэхийг дахин хэлэлцэхээр болсон байна. Өнгөрсөн 24 цагийн хугацаанд 575 хүнээс халдвар илэрч, дөрвөн хүн нас барсан. Цаашдаа хөл хорио тогтоож, халдварын тархалтыг хумихгүй бол нөхцөл байдал хүндэрнэ гэдгийг мэргэжилтнүүд онцолж байгаа юм.