"Цэрэг зодсон дэслэгч Д.Гялбуужамц удаа дараа цэргийн сахилга зөрчсөн"

2021-04-06, 3250

Зэвсэгт хүчний жанжин штабын 326 дугаар ангийн байлдагч Ц.Б салаан даргын үүрэг гүйцэтгэгчдээ зодуулж харамсалтайгаар амь насаа алдсан билээ. Байлдагч Ц.Б нь Хан-Уул дүүргийн XII хорооны нутаг дэвсгэр Биокомбинатад байрлах 326 дугаар цэргийн ангидаа бусдад зодуулснаас ухаан алдаж, Төрийн тусгай албан хаагчдын нэгдсэн эмнэлгийн Эрчимт эмчилгээний тасагт ухаангүй хүргэгдэж ирсэн ч харамсалтайгаар амиа алдсан.

Тэгвэл энэ хэрэгтэй холбоотой УИХ-ын Хүний эрхийн дэд хороо, Зэвсэгт хүчний жанжин штаб, БХЯ, ХХЕГ, Дотоод цэргийн командлал, ХЭҮК, Цагдаа, Прокурорын удирдлагуудыг оролцуулан нээлттэй хуралдаж байна. Хуралдаантай холбоотой Дэд хорооны гишүүд асуулт асууж, үг хэлж байна.

УИХ-ын гишүүн М.Оюунчимэг: Даамжирч ужгирсан дүрмийн бус харьцаа эрүүгийн хэрэг болоод дөжирчихжээ. 2017, 2018 оноос гарч байгаа хэргийн тоо зөрүүтэй байна. Энэ дүрмийн бус харилцаа, цэргүүдээс мөнгө татдаг, хувийн шугамаар ажиллуулдаг, цэргийн байгууллагад гарч байгаа эмэгтэйчүүдийг хүчирхийлэх, дарамтлах асуудал удаа дараа гарч байсан ч, цэргийн нууц гээд ил болгодоггүй. Яагаад өмнө нь арга хэмжээ авч байгаагүй юм бэ. Д.Гялбуужамц өмнө нь удаа дараа цэргийн сахилга зөрчсөн, хуваариа мөнгө татдаг, ажлын байрандаа архидан согтуурч байсан байна шүү дээ. Та үүнийг нь мэдэж байсан уу. Та яагаад арга хэмжээ авч байгаагүй юм. Та өөрөө энэ дээрээ хариуцлага хүлээх ёстой.

ЗХЖШ-ын дарга, хошууч, генерал Д.Ганзориг: Дөжирсөн асуудал байхгүй. Цэргийн албыг бэхжүүлэх асуудал дээр анхаарч ажиллаж байгаа. Д.Гялбуужамц нь 2017 онд Батлан хамгаалахын их сургуулийг төгсөх гээд муу дүнтэй төгсөж чадаагүй. Ингээд 2018 онд төгсөж, 2019 онд салаан захирагч болж, өнгөрсөн жилийн долдугаар сард цалингийн 20 хувиар торгуулж байжээ. Үүнийг шийдэх даалгавар өгч байсан ч "Ковид-19"-ийн нөхцөл байдлаас болж түр хойшлуулсан байсан. Бид хариуцлагаас зайлсхийсэн зүйл байхгүй.

"Цэрэг зодсон дэслэгч Д.Гялбуужамц удаа дараа цэргийн сахилга зөрчсөн"

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 5

Сэтгэгдэл үлдээсэн: 2021-04-10 12:43:38

Зз: Цэрэгт дааж давшгүй их дарамт бдг биз. Тгээдл олон аавын хөвгүүд тэсэхгүй амиа хорлож, даргаа буудаж, оргон зугтааж бна шүү дээ! Цэргийн анги нэгтгэл, ЖШ-г үндсээр нь татан буулгаж устгах хэрэгтэй!
Сэтгэгдэл үлдээсэн: 2021-04-07 08:22:57

Irgen: Turiin alba ymar bolovsrol.chadvartai hun ajillaj bgaag harj bga biz.Iim chadvargui.medleggui.deer n shunaliin tulamnuud bolhoor MGL hugjihgui bga uom.UIH d gesen tseehen erdem medlegtei hun bii.Bulgantuya.Amartuvshin.Dorjhand.Ayursaihan.Davaaduren.L.EnhAmaglan.Nymdorj gd tseheen 2.
Сэтгэгдэл үлдээсэн: 2021-04-07 07:48:00

Зочин: Захирагч чинь ядуу айлийн ядуу цэргийг зодож ал гэсэн тушаал гаргахаар онгироо дээслэгч алсын байна Одоо энэ цэргийн ангийг нь татан буулгаад баячуудын хүүхдийг авдаг цэргийн ангитай болмоор юм энэ нэг махан толгойтыг зайлуулахгүй бол олон аавын хүүг алж олон ээжийн нулмис үзэхнээ
Сэтгэгдэл үлдээсэн: 2021-04-06 18:42:43

zochin: ARMIIN UDIRDAH BIY BVRELDHVVNIIG BVGDIIG solih heregtei. Baasnii olon generaluudaasaa salah cag n bolsoon.
Сэтгэгдэл үлдээсэн: 2021-04-06 17:09:03

Иргэн: Нийгмийн хог шаар армид очиж хүний амь бүрэлгэжээ...