Шадар сайд С.Амарсайханы эхнэр ХӨСҮТ-д ороод, буцаж гарсан гэх асуудал бий. Тэгвэл энэ талаар тэрбээр албан ёсны тайлбар хийлээ. Энэ үеэр Шадар сайд С.Амарсайхан "Бид аль болох өвчтэй зовлонтой хүмүүст хүндрэл учруулахгүй байх арга хэмжээ авч байгаа. Бид цар тахалтай жил орчим тэмцэж байна. ХӨСҮТ-ийн эмч, сувилагч нарыг Л.Баттөр захирал дуудсан асуудал байхгүй. Тийм ч зүйл байх ёсгүй. Ийм эргэлзээ байвал өөрөөс нь тодруулж болно. Ер нь энэ асуудлыг улс төржүүлмээргүй байна. Үнэн бодитой дүгнэлт хийж, асуудалд хандах ёстой.

Улс төрийн зорилгоор хүний өөрийнгүй нэр бүхий нөхдүүд захиалгатай, захиалгагүй элдэв янзын зүйл зохион байгуулж байгааг нь мэднэ. Хэрвээ надтай албан тушаал ярих гэж байгаа, албан тушаалд горилж байгаа хүн байвал нэр усаа зарлаад  нээлттэй шийдэх хэрэгтэй. Нуугдаж янз бүрийн юм яриад байх шаардлагагүй. Дараа нь тодорхой нэр устай нь гаргахад асуудал байхгүй. Хэнийг яаж шантаажилж байгааг мэдэж байна. Албан тушаал тамга тэмдэгний араас хөөцөлдөх цаг биш шүү" гэсэн юм.