Шадар сайд С.Амарсайхан эхнэр нь ХӨСҮТ рүү ороод гарч ирсэн асуудлаар тайлбар өгч байна.

Тэрбээр "Би хэн нэгнийг зөвтгөх гэж тайлбар хийх гээгүй. Манай эхнэрийн аав, ээж нь халдвар авсан. 80 гарсан асаргаанд байдаг хүмүүс байдаг. Тиймээс халдвар хамгааллын дэглэмээ баримталж, эхнэр маань Аав ээжийгээ ХӨСҮТ-д хүргэж өгсөн. Мөн өөрөө вакцин хийлгэж, вакцины урвал илэрсэн учраас ХӨСҮТ-д очсон. Эхнэр хамт явсан учраас дам хавьтал гээд тусгаарлагдсан. 

Улмаар хоёр, гурав удаа шинжилгээ өгөөд сөрөг гарсан. Одоо тусгаарлалтад байгаа. Ахмад настнууд халдварт өртөж байгаа. Та бүхэн ахмадуудаа анхаараарай. Манай эхнэрийн хувьд халдвар гарсан голомт буюу аав, ээжийнхээ байгаа газар тусгаарлагдаж байгаа гэдгийг тодотгож хэлье. Энд ямар нэг улс төрийн агуулга байж болохгүй. Халдварын тоо улам нэмэгдэж байгаа. Та бүхнийг бид бодиттой мэдээллээр хангая гэж бодож байна. Гаргасан дэглэм, журмыг хэн ч зөрчих ёсгүй. Олон нийтийн ярьж байгаа асуудал, хөндөж байгаа сэдвийг ойлгож байгаа. УОК-оос илүүтэй ХӨСҮТ-ийн дүрэм журмыг дагаж байгаа. Манай аав, ээж хаанаас халдвар авсан нь мэдэгдэхгүй хариу нь эерэг гарсан. Манай эхнэр хүргэж өгсөн. Гэхдээ гэр рүү явсан асуудал байхгүй" гэлээ.