УИХ-ын чуулганы нэгдсэн хуралдаан үргэлжилж байна. Хуралдаанаар Хүний эрх хамгаалагчийн эрх зүйн байдлын тухай хуулийн төсөл болон хамт өргөн мэдүүлсэн хуулийн төслийн эцсийн хэлэлцүүлгийг явуулж байна. Хуулийн төсөлтэй холбоотой гишүүд үг хэлж, асуулт асуулаа. 

УИХ-ЫН ГИШҮҮН Д.ЦОГТБААТАР: Нэг зүйл анхаармаар байна. Бусдын нэр хүндэд халдахгүй байх заалт бусад хуулиар зохицуулагдсан бүх хүнд хориотой. Тэр тусмаа хүний эрх хамгаалах хүмүүст бүр хориотой. Бусад хуулиар хоригдсон зүйлийг энд оруулж ирснээр, хууль хэрэглэх үед хүний эрх хамгаалагчийг улам хязгаарлах вий. Хүний эрхийг хамгаалагчийн хууль оруулж ирлээ гээд эрхийг нь хаах гэсэн байдлаар уншигдаж тайлбарлах вий гэж болгоомжилж байна. 

УИХ-ЫН ГИШҮҮН С.ОДОНТУЯА: Өөр хуульд орсон заалтыг төрийн бус байгууллагад хамааруулах шаардлагагүй гэж үзэж байна.

УИХ-ЫН ГИШҮҮН Б.ЭНХБАЯР: Засгийн газар С.Зориг агсны хэргийг улсын нууцаас гаргаж бйагаа талаар мэдэгдсэн. Гурван сая иргэн нэг хэрэгтэй танилцаад бйах байх боломж байхгүй. Өмнө нь хоёр удаа нууцаас гаргалаа гээд танилцуулж байгаагүй. УИХ цаашдаа манлайлал үзүүлэх хэрэгтэй. Хэвлэл мэдээллээр нээлттэй байдлаар зарлаж, танилцах асуудлыг шийдмээр байна.