Засгийн газар өнөөдөр 14:30 цагаас ээлжит бусаар хуралдахаар болжээ. Энэ үеэр коронавирусийн халдварын цар тахлын нөхцөл байдал, авч хэрэгжүүлж байгаа шуурхай хариу арга хэмжээний талаар Шадар сайд танилцуулга хийх юм байна.

Сүүлийн долоо хоног коронавирусийн халдварын тархалт эрс нэмэгдэж, өнгөрсөн 24 цагийн хугацаанд 285 хүнээс шинээр халдвар илэрсэн. Түүнчлэн хөдөө орон нутагт халдвар тархаж, хэд хэдэн аймагт хөл хорио тогтоогоод байгаа юм. Өнгөрсөн мягмар гарагт болсон УОК-ын хуралдаанаар хатуу хөл хорио тогтоохгүй улбар шар түвшинд 14 хоног харна гэх шийдвэрийг гаргасан. Харин Ерөнхий сайдын зүгээс дөрөвдүгээр сарын 5-наас хатуу хөл хорио тогтоож магадгүй. Гэхдээ урьдчилан сануулна гэх мэдээллийг өгөөд буй.