УОК-ын шийдвэрийг танилцуулах үеэр Хан-Уул дүүргийн Нэгдсэн эмнэлэгт хэвтэн эмчлүүлж байгаа иргэн вакцин хийлгээд хөл нь мэдээгүй болсон талаар Эрүүл мэндийн сайд С.Энхболд тайлбар өглөө. Тэрбээр "Вакцинтай холбоотой асуудлууд гарсан. Хан -Уул дүүргийн Нэгдсэн эмнэлэгт хэвтэж буй иргэн Б гуравдугаар сарын 15-нд Синофрам үйлдвэрийн вакцин хийлгэсэн.

Үүнээс хойш хөл нь мэдээгүй болсон гэж байгаа. Энэ хүн өмнө нь аваарт орсон нурууны суулттай хүн байна лээ. Төрөлжсөн нарийн мэргэжлийн эмнэлэгт шилжсэн. Дараагийн шатны MRI хийлгэж байгаа. Харин суурь өвчнөөсөө болсон уу, вакцинаас болсон уу гэдэг талаар шинжилгээг харж байгаад мэдээлэл өгнө" гэлээ.