УОК-ын ээлжит хуралдаанаар халдварын тархалт нэмэгдэж байгаа ч хатуу хөл хорио тогтоохгүй гэдгээ мэдэгдлээ. Энэ үеэр сэтгүүлчдийн асуултад хариуллаа. Эрүүл мэндийн сайд С.Энхболд "2020 оны арван нэгдүгээр сарын 11-нд дотоодод  халдвар бүртгэгдсэн. энэ хугацаанд гурван удаа хатуу хөл хорио тогтоосон. Ингэж байж халдварын эрчмийг сааруулдаг. Мөн хэсэгчлэн хөл хорио тогтоосон. Ялангуяа Баянзүрх дүүргийн 26 дугаар хороонд тогтмол тохиолдлын тоо нэмэгдсэн.

Энэ хорооноос 400 орчим тохиолдол гарсан. Хамгийн гол нь өргөжүүлсэн тандалт хийж байгаа. Дотоодод халдвар бүртгэгдсэнээс хойш 747 хүүхэд халдвар авсан байна. Мөн Нэг хаалга-Нэг шинжилгээ үр дүнтэй байсан. Үүний үр дүнд далд байсан 36 голомт, 219 тохиолдлыг илрүүлсэн" гэлээ.