Одоогоос 40 гаруй жилийн өмнө буюу 1978 онд Олон улсын Найрамдал зуслан байгуулагдснаар олон улсын хүүхэд багачууд Монголын түүх соёл, зан заншилтай танилцах болсон Үүнийг Монгол Улсыг гадаадад сурталчилж таниулахад чухал үүрэг гүйцэтгэж ирсэн гэж үздэг. Иимд Олон улсын хүүхдийн эрхийг хамгаалах энэ өдөр Монгол Улсын Засгийн газар ээлжит бусаар хуралдаж Ерөнхий сайдын өгсөн чиглэлийн дагуу Хөвсгөл далайн байгалийн цогцолборт газар 500 хүүхэд хүлээн авах  "Олон улсын Найрамдал-2” зусланг байгуулахаар шийдвэрлэлээ. Ингэснээр манай улсын соёл уламжлалыг дэлхий нийтэд түгээхэд чухал үүрэг гүйцэтгэж хүүхэд, багачууд Монголынхоо байгалийн үзэсгэлэнт газар амарч, алжаалаа тайлах нөхцөл бүрдэнэ гэж үзэж байна.  Иимд  шаардагдах газрынх нь асуудал шаардлагатай хөрөнгийн эх үүсвэр, зураг төслийг хийж эхлүүлэхийг холбогдох яамдын сайд нарт үүрэг болголоо