АН-ын даргын сунгаан эхэлж, нэр дэвшигчидийн бүртгэл эхэллээ

2021-03-04, 693

Ардчилсан намын Дотоод сонгуулийн хорооноос намын даргын сунгааныг эхлүүлэхээ мэдэгдэж, 2021 оны гуравдугаар сарын 4 буюу өнөөдрөөс бүртгэлээ эхлүүллээ. УИХ-ын ээлжит сонгуулиас хойш намын дарга С.Эрдэнэ дүрмийн дагуу суудлаасаа огцорч, дараагийн даргад намын тамга тэмдэгээ хүлээлгэн өгсөн. Энэ хугацаанд нам дотор маргаантай асуудлууд өрнөсөн ч өнөөдрийг хүртэл эцэслэгдээгүй байна. Ямартай ч Ардчилсан намын Дотоод сонгуулийн хорооноос намын даргын сунгааныг эхлүүлсэнээ мэдэгдлээ.

АН-ын даргын сонгуульд өрсөлдөх нэр дэвшигчдийн бүртгэлийг хоёр өдөр зохион байгуулна. Улмаар гуравдугаар сарын 12-26-ны хооронд намын даргын сонгуулийн сурталчилгаа явуулах аж. Гуравдугаар сарын 28-ны өдөр намын даргын сонгуулийн санал хураалт болох бөгөөд санал хураалтад Ардчилсан намын бүх гишүүн оролцох дүрэмтэй.

Ардчилсан намын даргын сунгаанд оролцох нэр дэвшигч цар тахалтай холбоотой сурталчилгаагаа зөвхөн хэвлэл, мэдээллийн хэрэгслээр зохион байгуулах журам гаргаж гаргажээ.Одоогийн байдлаар намын даргын сунгаанд оролцохоор УИХ-ын гишүүн асан Ц.Оюунгэрэл, Р.Амаржаргал, МҮХАҮТ-ийн Ерөнхийлөгч О.Амартүвшин, УИХ-ын гишүүн О.Цогтгэрэл, "Хэвтүүл" хөдөлгөөний зохицуулагч А.Цэрэнбат нар бүртгүүлсэн гэх мэдээлэл байна.

АН-ын даргын сунгаан эхэлж, нэр дэвшигчидийн бүртгэл эхэллээ

Шинэ мэдээ

Нийтлэлчид