БНЭУ-аас Монгол Улсад буцалтгүй тусламжаар олгож буй АстраЗенека вакины эхний таталт болох 150 мянган тун Мумбай хотоос өнөө өглөө 06:20 цагт Буянт-Ухаа олон улсын нисэх буудалд газардлаа.  

АстраЗенека вакциныг нэг хүнд хоёр тун хийх бөгөөд эмнэлэг, цагдаа, онцгой байдлын алба хаагч зэрэг халдварын голомтод ажиллаж байгаа 75 мянган хүнийг вакцинжуулах юм. Цаашид уг вакцинаар 690 мянга гаруй хүнийг дархлаажуулах аж.

Мөн үлдсэн 40 хувийн вакциныг Засгийн газар өөрийн хөрөнгөөр буюу 226 тэрбум төгрөгөөр худалдан авч байгаа аж. Тухайлбал, -70 хэмд хадгалдаг файзер вакциныг БНСУ-аас 125 мянган хүн тун буюу 62 мянган хүнийг дархлаажуулах хэмжээний вакциныг өнөөдөр авчрах юм.

Түүнчлэн ОХУ-аас Монголд Улсад 20 мянган хүн тун буюу 10 мянган хүнийг дархлаажуулах "Спутник-V" вакциныг нийлүүлэхээр болсон байна.