Нийслэлийн Засаг дарга бөгөөд Улаанбаатар хотын захирагч Д.Сумъяабазар өнөөдөр НОК-ын шуурхай штаб дээр ажиллалаа. Энэ үеэр хөл хорио тогтоосонтой холбоотой Засгийн газар, УОК-оос гаргасан шийдвэр хэрхэн хэрэгжиж байгаа асуудлыг тодруулж, иргэдэд тулгамдаж буй хүндрэлтэй асуудлыг шийдвэрлэхийг холбогдох албаныханд үүрэг болгов.

Тэрбээр "Иргэд хуваарийн дагуу шинжилгээнд орох ёстой байтал хуваарийг нь дээгүүр зөрүүлчихэж байна. Ч.Номин сайдаар ахлуулсан Эрсдэлийн үнэлгээний хороонд будлиан гараад байна. Энэ асуудлыг Эрүүл мэндийн сайддаа хэлээд зас. Хариуцаж байгаа Соёлын сайдад зааж зааварлаж, уурлаж уцаарлах нь төрийн албаны ёс зүйгүй асуудал шүү дээ. Шинжилгээний хуваарь зөрж байгаа асуудлыг Эрүүл мэндийн сайдад дамжуул. Бүх шинжилгээ анхан шатны байгууллагад явагдана. Бүх хороо нэгжид иргэдээ мэддэг улсууд ажлаа хийж чаддаг юм. Дээгүүр байгаа дарга нар хорооны бодит амьдралыг мэддэггүй юм. Тийм учраас нөхцөл байдлыг Эрүүл мэндийн сайдад дамжуулах хэрэгтэй" гэв.