УОК-оос хатуу хөл хорио тогтоохтой холбоотой асуудлаар мэдээлэл хийж байна. Маргааш өглөөний 06:00 цагаас зөвшөөрөгдсөн 14 байгууллагаас бусад аж ахуйн нэгжийн үйл ажиллагааг бүрэн зогсоож, нийслэлийн хөдөлгөөнийг 90 орчим хувиар бууруулах юм. Төрийн алба хаагчид хамгаалалтад ажиллах бөгөөд нийтийн тээврээр зорчих чиглэл өгөөд буй. Тэгвэл хувийн байгуллагын ажилчид хувийн автомашинаараа зорчих боломжтой эсэх эргэлзээтэй асуултад тайлбар авлаа. Энэ талаар Шадар сайд С.Амарсайхан "Бүх нийтийн бэлэн байдлын зэрэгт шилжиж байгаа учраас төрийн албан хаагч нарыг дэгтэй ажиллахыг шаардаж байгаа. Тиймээс нийтийн тээврээр зорчино.

Зөвшөөрөгдсөн 14 байгууллагын алба хаагчид 10-15 хувиар ажлын байран дээр ажиллана. Зөвшөөрөгдсөн 14 байгууллагаас дөрөв нь хувийн байгууллага байгаа. Энэ 15 хувь нь ажлын газрын тодорхойлолт, ажлын үнэмлэх зэрэг бичиг баримтаа үзүүлээд хувийн тээврийн хэрэгслээрээ зорчиж болно" гэлээ.