УОК-оос мэдээлэл хийлээ. Энэ үеэр Шадар сайд С.Амарсайхан “Хөл хорионы хугацаанд иргэдэд үйлчлэх 14 байгууллага үйл ажиллагаагаа хэвийн явуулна. Эдгээр байгууллагын ажилтнаас гадна бусад иргэдийн хөл хөдөлгөөнийг хатуу хязгаарлана. Ингэж байж хөл хориог үр дүнтэй байлгана. Нэг хаалга-нэг шинжилгээ, нэг өрх-нэг шинжилгээг зохион байгуулах төлөвлөгөөг гаргасан. Байнгын болон явуулын цэгт сорьц цуглуулах, хадгалах, лабораторид хүргэх, богино хугацаанд хариугаа авах ажлыг зохион байгуулна. PCR шинжилгээний хариу хэзээ гарах нь тодорхойгүй байгаа тухай гомдол иргэдээс их ирдэг. Иймд PCR шинжилгээний хариуг богино хугацаанд авах цахим системийн тогтолцоог бий болгож байгаа. Мөн PCR шинжилгээний хариу зөрүүтэй гарахаас сэргийлж, хөндлөнгөөс давхар хянах тогтолцоог бүрдүүлж байгаа" гэв.