Эдийн засгийн дэмжих цогц арга хэмжээг танилцуулах үеэрээ Ерөнхий сайд Л.Оюун-Эрдэнэ " Ажлын байрыг дэмжих хоёр их наяд төгрөгийн төлөвлөгөө боловсруулсан. Ингэхдээ хоёр их наяд төгрөгийн гурван хувийн хүүтэй зээлийг гурван жилийн хугацаатай зах зээл рүү нийлүүлнэ. Нэг их наяд төгрөгийг Хармагтайн ордыг эдийн засгийн эргэлтэд оруулж гаргаж авах юм. Ингэхдээ алтны урьдчилгаа байдлаар Монголбанктай тохиролцоно. Хоёрдугаарт, Засгийн газар Монголбанкнаас нэг их наядын бонд худалдаж аваад зээлийн баталгаа гаргах байдлаар арилжааны банкуудаар зээл олгоно. Ихэвчлэн дундаж, орлоготой иргэдийг дэмжих тогтолцоо руу шилжихээр төлөвлөсөн" гэв.