ХӨСҮТ-ийн захирал Д.Нямхүү:  Өнөөдөр ХӨСҮТ-өөс  таван хүн эмчлэгдэж  дараагийн хяналтын шатанд шилжлээ. Таван хүний дөрөв нь оюутан, нэг нь 55 настай эмэгтэй эдгэрлээ. Эмчилгээнд байсан хоног дээд тал нь 55, зарим нь 25-30 хоног. Өчигдрийн шинжилгээний дүнтэй нийлүүлбэл 98 хүн албан ёсоор халдвартай гэж оношлогдсон.  Нийт 78 хүн эмчилгээ хяналтад байна. ХӨСҮТ-өөс дотор орж тусгаарлагдан нийтдээ 38 эмч сувилагч, үйлчлэгч ажиллаж байна. 14 их эмч, ес нь сувилагч зургаа нь ариутгагч зэрэг ажиллаж байна.  Өчигдрийн байдлаар ХӨСҮТ, Дарханы салбар нийт дөрвөн лабораторид 381 хүнд шинжилгээ хийхэд коронавирус илрээгүй. Дархан-Уул аймгийн салбар лабораторид Алтанбулагийн боомтоор орж ирсэн 44 жолооч, 10 тусгаарлагдсан хүний шинжилгээ хийхэд мөн коронавирус илрээгүй. Сөүл –Улаанбаатар чиглэлийн тусгай үүргийн нислэгээр 5 сарын 1-нд ирсэн иргэдэд давтан шинжилгээ хийхэд мөн шинэ коронавирус илрээгүй