Улсын онцгой комисс өнөөдөр17:30 цагт Сар шинийн баяраар хөл хорио тогтоох эсэх асуудлаар хуралдах юм байна. Уг асуудлаар өчигдөр хуралдсан ч тодорхой шийдэлд хүрээгүй. Учир нь Нийслэлийн Засаг дарга бөгөөд Улаанбаатар хотын захирагч Д.Сумъяабазар хөл хорио тогтоохгүй гэсэн байр суурьтай байгаа аж. Харин Эрүүл мэндийн яам, Шадар сайдын зүгээс Сар шинийн баярын өдрүүдэд хөл хорио тогтоох ёстой гэсэн байр суурийг илэрхийлээд байгаа юм. Тиймээс бүх нийтийн хатуу хөл хорио тогтоох, эсвэл хэсэгчилсэн хөл хорио тогтоох эсэхэд дахин судалгаа хийгээд, өнөөдөр хуралдахаар болсон байна.