Манай Улсын Засгийн газраас Оюутолгойн хөрөнгө оруулалтын гэрээг монголчуудад ашигтай байдлаар өөрчлөх саналыг “Рио Тинто” группт тавиад байгаа билээ. Тус хэлэлцээрийн Ажлын хэсгийг Хууль зүй, дотоод хэргийн сайд Х.Нямбаатар ахалж байгаа аж. Ажлын хэсгийнхэн өнөөдөр “Рио Тинто” группийнхэнтэй анхны цахим хурлаа хийжээ. “Рио Тинто”-гийн талыг төлөөлж Зэсийн группийн гүйцэтгэх захирал Г.Болд хуралдаанд оролцож “Бид бүгд нэг завин дээр байгаа” гэдгээ онцолсон байна.