Шадар сайд, УОК-ын дарга Ө.Энхтүвшин:  Цар тахалтай холбогдуулан Монгол улсын Засгийн газар Улсын онцгой комиссоос маш олон хууль тогтоомж шийдвэр заавар гарч байна. Эдгээр нь амьдралд хэр нийцтэй хэрэгжиж байгааг өнөөдөр эхэлж байгаа дадлага сургуулилтаар шалгах гэж байна. Бид одоогоор дотроосоо халдваргүй ч гаднаас зөөвөрлөгдөн орж ирсэн 41 тохиолдол байна. Энэ нь ард иргэд төр засгийн шийдвэрийг сайн биелүүлж байгаагийн  үр дүн.  Гэхдээ бид дотооддоо алдах эрсдэл өндөр байна.  Монгол улсад эрсдлийн 7 удаагийн үнэлгээ хийхэд маш өндөр гэж гарлаа.  ДЭМБ улс орнуудад гурван сувгаар цар тахлыг алдаж магадгүйг анхааруулж байна. Үүнд

1. Эмнэлэгийн ажилтнууд өвчтөнөөс халдвар авч тархах

2. Цар тахлын голомтот ажиллаж байгаа төрийн албан хаагчид

3. Хил гааль боомтоор  ачаа тээврээр орж ирэх эрсдэл их байна.

Үүнд бид анхаарч энэ удаагийн дадлага  сургуулилтыг энэ чиглэлд хандуулж байна. Бид дотооддоо цар тахлыг алдлаа гэхэд төрийн байгууллагууд бэлэн байна уу?  Ажиллах чадвар ямар байна вэ? гэдгийг шалгаж үзэх гэж байна.