Дорноговь аймагт коронавирусийн халдварын сэжигтэй тохиолдол бүртгэгдсэнтэй холбогдуулан аймгийн Засаг дарга захирамж гаргаж өнөөдөр 20:00 цагаас аймаг, сумдаас гарах, орох хөдөлгөөнийг тодорхойгүй хугацаагаар хязгаарлахаар боллоо. 

 

Иргэд зайлшгүй шаардлагаар орон нутагт зорчих тохиолдолд сум, аймгийн Шуурхай штабаас зөвшөөрөл авч нэвтрэх аж.

 

Аймгийн хэмжээнд орох гарах хөдөлгөөнийг хязгаарласан ч аймаг, сумын доторх хөдөлгөөн, худалдаа, үйлчилгээний байгууллагуудын үйл ажиллагаа хэвийн горимоор явах юм байна.