Цар тахалтай холбогдуулан амралтын газрын үйл ажиллагааг зогсоогоод байгаа билээ. Тэгвэл нууцаар амралтын үйл ажиллагаа явуулж байсан зөрчлийг илрүүлсэн байна. Тодруулбал, Баянзүрх дүүргийн 20 дугаар хорооны нутаг дэвсгэрт үйл ажиллагаа явуулдаг “Грийн хаус” нэртэй амралтын газар нь гурван байшин, нэг монгол гэрт нэр бүхий 24 иргэнийг хүлээн авч нууцаар зөвшөөрөлгүй амралтын үйл ажиллагаа явуулж байжээ. Тиймээс иргэд, аж ахуй нэгж байгууллагууд Улсын Онцгой комисс, Нийслэлийн Онцгой комисс, дүүргийн Онцгой комиссоос өгсөн үүрэг, чиглэлийг дагаж мөрдөхийг анхааруулж байна.