УИХ-ын чуулганаар УИХ-ын гишүүн Л.Оюун-Эрдэнийг Монгол Улсын 32 дахь Ерөнхий сайдаар томилох асуудлыг хэлэлцэх үеэр УИХ-ын гишүүн Б.Бат-Эрдэнэ Сүхбаатарын талбайд өлсгөлөн зарлаж байгаа С.Ганбаатарт гэр гаргаж өгөхийг хүслээ. Тэрбээр Хууль зүйн сайдын үүрэг гүйцэтгэгч Х.Нямбаатар Засгийн газрыг төлөөлж С.Ганбаатартай очиж уулзсанд талархал илэрхийлээд “С.Ганбаатарын хувьд маш хүнд нөхцөлд байна. Эрүүл мэнд, амь нас нь цаг минутаар хэмжигдэж байна. Тиймээс яаралтай гэр барьж өгөөч ээ. Би маш тодорхой хүсэлт тавьж байна” гэлээ.