УИХ-ын чуулганы өнөөдрийн нэгдсэн хуралдаанаар Монгол Улсын 32 дахь Ерөнхий сайдыг томилох асуудлыг хэлэлцэж байгаа билээ. Улмаар хэлэлцэж буй асуудалтай холбоотой УИХ дахь АН-ын бүлэг нэг цагийн завсарлага авсан.

Энэ хугацаанд УИХ-ын гишүүн М.Оюунчимэг нарын дөрвөн гишүүний өргөн мэдүүлсэн Коронавируст халдвар /ковид-19/-ын цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслийг хэлэлцэх эсэхийг хэлэлцэж, гишүүдийн олонх хуулийн төслийг дэмжсэн.

Үргэлжлүүлэн Засгийн газраас өргөн мэдүүлсэн Зэвсэгт хүчний тухай хуульд нэмэлт оруулах тухай хуулийн төсөл болон хамт өргөн мэдүүлсэн хуулийн төслүүдийн анхны хэлэлцүүлгийг хийж, мөн гишүүдийн олонх дэмжиж, эцсийн хэлэлцүүлэгт бэлдүүлэхээр Байнгын хороонд шилжүүлсэн юм. Үргэлжлүүлэн  Монгол Улсын 32 дахь Ерөнхий сайдыг томилох асуудлыг хэлэлцэж эхэллээ.