УОК, аймаг нийслэлийн онцгой комисстой хамтран орон нутгийн иргэдийг нутаг буцаах ажлыг зохион байгуулж эхэлсэн.

Ховд аймгийн хувьд энэ сарын 25-нд иргэдээ татан авах ажлыг зохион байгуулсан юм. Гэтэл Ховд аймаг руу нийтийн тээврээр зорчиж байсан гурван иргэнээс сэжигтэй тохиолдол илэрч, зорчигчдыг Ховд аймгийн Дарви суманд тусгаарласан талаар бид өмнө нь мэдээлсэн. Тэгвэл энэ хоёр иргэний PCR шинжилгээний хариу саяхан гарч, коронавирусийн халдвар авсан нь батлагдсан байна. Эх сурвалжийн мэдээлж буйгаар тухайн нийтийн тээвэрт зорчиж байсан иргэдийг сургуулийн дотуур байранд тусгаарласан ч тодорхой шийдвэр гаргаагүй байгаа аж.

Үүнтэй холбоотой УОК-оос үүрэг өгч, нийслэлээс гарах хөдөлгөөнийг тодорхойгүй хугацаагаар хязгаарлаад байгаа юм.