Энэтхэг Улсын тариаланчид Хөдөө аж ахуйн шинэчилсэн хуулийг эсэргүүцэн жагсаж байна. Олон мянган хүн Дели хотын Улаан Форт руу нэвтрэхийн тулд цагдаа нарын эсрэг нулимс асгаруулагч хий цацсан гэнэ. Үүний улмаас олон жагсагч цагдаа нартай мөргөлдөж, нэг эсэргүүцэгч нас баржээ.

Засгийн газрын шинэ шийдвэр нь тариаланчдыг чөлөөлөх гэсэн нэрийн дор тэдний хүртэх ашгийг багасгасан хэмээн үзсэнээс ийн эсэргүүцлийн жагсаал эхэлсэн аж.  Өнгөрсөн арваннэгдүгээр сараас хойш тариаланчид шинэ хуулийн төслийг эсэргүүцэж, өнөөдөр тэмцлийн хурц хэлбэрт хүрсэн байна. Өнгөрсөн долоо хоногт Засгийн газраас хуулийн хэрэгжилтийг хойшлуулах санал тавьсан ч жагсагчид эрс эсэргүүцжээ.

Жагсагчид Энэтхэгийн Бүгд найрамдсан баярын өдөр трактортай болон явганаар тэмцлээ илэрхийлсэн нь зохион байгуулалттай жагсаал хэмээн үзэхэд хүргэсэн байна.

Дели хотын төвд жил бүр болдог Бүгд найрамдах өдрийн парадыг таслахгүй гэсэн болзолтойгоор цагдаа нар тодорхой газруудад жагсах эрх олгосон боловч жагсагчид аюулгүй байдлыг зөрчиж, цайз руу дайрч, бухимдлаа илэрхийлсэн байна.