УИХ-ын гишүүн асан Ж.Энхбаяр ЖДҮХС-гаас зээл авсан гэх асуудалд нэр холбогдож, өнгөрсөн 2020 оны УИХ-ын сонгуулиар нэр дэвшээгүй. Тэрбээр Ерөнхий сайд У.Хүрэлсүхийн зөвлөхөөр ажиллаж байсан юм. Харин коронавирусийн халдвар орон нутагт бүртгэгдэх үед Дархан-Уул аймагт ажиллаж, хурдан хугацаанд голомтыг хумьж чадсан хэмээн олон нийтийн талархал хүлээсэн. Тэгвэл шинэ Засгийн газарт түүнийг Шадар сайдаар томилогдоно гэх яриа гарсан.

Тэрбээр энэ талаар “Ж.Энхбаяр гэдэг хувь хүнд ямар нэг дарга болох хүсэл эрмэлзлэл байхгүй” хэмээн байр сууриа илэрхийлж байсан билээ. Тэгвэл УИХ-ын гишүүн асан Ж.Энхбаяр “Улс төр, албан тушаалаас холдож”, Сэлэнгийн Зүүнбүрэнд очсон тухайгаа цахим хуудаснаа нийтэлжээ. Дараагийн Засгийн газарт орох сайд нарын нэрс ид яригдаж байгаа энэ үед түүний дэмжигчид "Шадар сайдын албан тушаалаас зугтсан юм уу" хэмээх сэтгэгдэл түүний цахим хуудаснаа хөвөрчээ.