УИХ-ын гишүүн Г.Дамдиннямыг эгүүлэн татах шаардлагатай гэх хөдөлгөөн Дархан-Уул аймагт өрнөж байгаа аж.

Тодруулбал, Худалдаа хөгжлийн банкнаас 33 тэрбум төгрөгийн зээл авсан гэх асуудалтай холбоотойгоор тус аймгийн иргэд түүнийг эгүүлэн татах асуудал дээр санал нэгдээд байгаа гэнэ. Г.Дамдиням нь УИХ-ын 2020 оны ээлжит сонгуулиар Дархан-Уул аймагт нэр дэвшиж олонхын санал авч сонгогдсон билээ.

УИХ-ын гишүүн болсон даруйдаа УИХ-ын гишүүн Н.Учрал, Х.Ганхуяг, Г.Амартүвшин,  С.Батболд, Х.Булгантуяа, Д.Батлут гишүүдтэй  хамтран "Кэмбриджийн хөтөлбөрийг хэрэгжүүлэхийг дэмжих лобби бүлэг" байгуулсан. Мөн саяхан УИХ-ын гишүүн Г.Амартүвшин, Х.Ганхуяг нартай хамтран Зээлийг хүүг 50 хувиар бууруулах тогтоолын төсөл өргөн бариад буй.