УИХ-ын гишүүн С.Ганбаатар Оюутолгойн гэрээг өөрчлөх хүртэл Сүхбаатарын талбайд өлсгөлөн зарлаж байгаагаа мэдэгдлээ.

Тэрбээр 32 дахь Ерөнхий сайдад нэр дэвшээд байгаа Л.Оюун-Эрдэнийг олон улсын арбитрын шүүхэд Оюу толгойн асуудлаар сөрөг нэхэмжлэх гаргах хүртэл өлсгөлөнг зарлаж байна гэв. Гэхдээ нэхэмжлэл гаргах хугацаа нэгдүгээр сарын 31-нээр дуусгавар болж байгаа юм. Тиймээс ойрын тав хоногийн дотор Ерөнхий сайд яаравчлан нэхэмжлэл гаргах хэрэгтэй гэв. Хэрвээ “МАН чадахгүй бол надад энэ эрх, мандатаа өгчих. Би сөрөг нэхэмжлэл гаргаад өгье. УИХ-ын гишүүн ард иргэдийн өмнө хариуцлага хүлээх гэж сонгогдсон. Би ард иргэдийг өлсгөлөн зарлахыг хүсэхгүй байна. Харин УИХ-ын гишүүд надтай нэгдэж, өлсгөлөн зарлаасай гэж хүсэж байна. Би Ардын намын барьцаалагдсан Ерөнхий сайдуудыг барьцаанаас нь салгах гэж өлсгөлөн зарлаж байна. Л.Оюун-Эрдэнд тусалж байна” гэлээ. Тэрбээр өлсгөлөнгөө сөрөг нэхэмжлэл гаргах хүртэл үргэлжлүүлэхээ мэдэгдсэн юм.