УИХ-ын чуулганаар УИХ-ын гишүүн Г.Тэмүүлэнгийн өргөн мэдүүлсэн Малчин, хувиараа хөдөлмөр эрхлэгчийн тэтгэврийн даатгалын нөхөн төлүүлэх тухай хуульд өөрчлөлт оруулах тухай хуулийн төслийн хэлэлцэх эсэхийг хэлэлцэж байна.

УИХ-ЫН ГИШҮҮН Л.ЭНХ-АМГАЛАН “Цаашдаа нийгмийн даатгалын таван санг эргэж харах ёстой. Ажилгүйдлийн даатгалын сан гэхэд жилд 40-60 тэрбум төгрөгийн орлого олдог. Тэгээд 23-хан мянган хүнд ажилгүйдлийн даатгал олгож байна. Монгол Улсад өнөөдрийн байдлаар ажилгүй, орлогогүй болчихсон 200 мянга  гаруй хүн байна. Өнөөдөр Монгол Улсад Ажилгүйдлийн даатгалын сан байгаа л юм бол өөрөөс нь шалтгаалахгүйгээр цар тахлаас болж ажлын байраа алдсан, нийгмийн даатгалын шимтгэлээ төлж байсан хүмүүст хүртээмжтэй байх ёстой. Ингэж байж Ажилгүйдлийн даатгалын сан болно. Тэрнээс биш, нийгмийн даатгалаа төлж байгаа хүмүүсээс нэг хувиар тооцож авчихаад сайд дарга нарын тушаалаар ажлаас халагдсан хүмүүсийн цалинг нөхдөг ийм сан байж болохгүй. Цар тахал бүх юмны шалгуур болж байна. Ажилгүйдлийн даатгалын сан цаашид байсан шиг байх ёстой” гэлээ.