Хөдөлмөрийн үндэсний нам /ХҮН/-аас Нийслэлийн Засаг дарга бөгөөд Улаанбаатар хотын захирагч Д.Сумъяабазарыг огцрохыг шаардаж мэдэгдэл гаргажээ.

Тус мэдэгдэлд “Цар тахлын эсрэг авч хэрэгжүүлж буй арга хэмжээнүүд оновчгүй, хүнлэг бус байсан тул Монгол Улсын Засгийн газар, Улсын онцгой комисс болон холбогдох эмнэлэг, эрүүл мэндийн байгууллагын удирдлагууд хариуцлага хүлээн огцорлоо. Ерөнхий сайдаас гадна шат шатны байгууллага үүнд хариуцлага хүлээх ёстой. Нийслэлийн Засаг дарга болон Нийслэлийн онцгой комисс хариуцлага хүлээхгүй байх нь шударга ёсонд үл нийцнэ. Иймээс Нийслэлийн Засаг дарга бөгөөд Улаанбаатар хотын захирагч Д.Сумъяабазрыг огцрохыг Хөдөлмөрийн үндэсний нам шаардаж байна” гэжээ.