УИХ-ын чуулганаар Ерөнхий сайд У.Хүрэлсүхийн огцрох хүсэлтийг хэлэлцлээ. УИХ-ын дарга Г.Занданшатар “Ерөнхий сайд огцорсноор Засгийн газар бүрэн бүрэлдэхүүнээрээ огцорно. Ёс зүй, сахилга, хариуцлагыг дээдлэх жишиг тогтож байна. Цар тахлын үед монгол хүн бүхэн хүчээ нэгтгэж, эвийг эрхэмлэх ёстой. Төр засгийн тогтвортой байдлыг хангах нь чухал. Тиймээс Засгийн газрыг цаг алдалгүй эмхлэх ёстой гэв.

Ингээд “Ерөнхий сайд У.Хүрэлсүхийг огцруулахыг дэмжиж байна” гэсэн Төрийн байгуулалтын байнгын хорооны саналаар санал хураалт явуулахад УИХ-ын гишүүдийн 95.2 хувийн саналаар Монгол Улсын Ерөнхий сайд У.Хүрэлсүхийг огцрууллаа.

Дараагийн Ерөнхий сайд томилогдох хүртэл Ерөнхий сайд У.Хүрэлсүх үүрэгт ажлаа гүйцэтгэх аж.