УИХ-ын чуулганы нэгдсэн хуралдаанаар Засгийн газрыг огцруулах асуудлыг хэлэлцэж байна.

Энэ үеэр Ерөнхийлөгч үг хэлж, "Тусгаар Монгол Улсыг эзэгнэн дарлах гэсэн тодорхой бүлэглэл, бүр тодорхой хэлэх юм бол УИХ-ын гишүүн, Ерөнхий сайд байсан Сүхбаатарын Батболдын удирдсан бүлэглэл төрийн эргэлт хийж байна" хэмээн мэдэгдсэн юм. Харин УИХ-ЫН ГИШҮҮН СҮ.БАТБОЛД "Надад үг хэлэх боломж олдлоо. Сая Ерөнхийлөгч Их хурлын индэр дээрээс Оюутолгойтой холбож намайг гүтгэлээ. Манай Засгийн газар Оюутолгойн гэрээг сайжруулах хоёр зүйл хийсэн. Зээлийн хүүг бууруулах хувь нийлүүлэгчдийг гэрээнд тусгасан. Давхар татварын гэрээг 0 хувь байсныг 20 хувь болгосон. Жинхэнэ утгаар нь Монгол Улсын эрх ашгийг сайжруулсан. Монголын төр нээлттэй хариуцлагатай биенээ хардаж, шалгах эрхтэй. Томоохон төслүүдээ шалгуулж, ард иргэдэд нээлттэй мэдээлэл өгч, төрийн нэр хүндээ олох ёстой. Нүгэлтэй хүн нүглээ үүрэх тогтолцоо хэрэгтэй байгаа юм байна. Би төрөөс хулгай хийж амьдрах  шаардлагагүй хүн. Өөрийн30 гаруй  бизнесээ хөгжүүлчихээд төрд үүрэг гүйцэтгэж байгаа. Намайг Оюутолгойтой холбож, гаднын хувийн бизнесмэнүүдтэй хардаж, гаднын хувийн байгууллагаар ийм зүйл хийлгээд шүүхэд өгч байгаа. Ингээд  хэрэгтэйгээ танилцах эрхийг маань нууц гэж хаачихаад гаднын хэвлэлээр цацах бохир технологи явуулж байгаа" гэв.